灣仔人氣漢堡店推新年限定港式漢堡！海鮮醬穀飼牛堡/黃金豆腐堡
灣仔超人氣漢堡專門店推出新年期間限定漢堡，3款新春限定漢堡全部極具港式風味，除了有改良自經典港式豬扒包的漢堡，還有大排檔風味的黃金炸豆腐，另設富貴迷你漢堡組合，不論是獨享滋味或與朋友分享都得，即睇限定漢堡款式及推出日期！
灣仔人氣漢堡專門店「Boy n Burger」宣布，由2022年1月17日至2月13日期間，推出3大新年限定港式風味漢堡包，以及迷你「富貴漢堡組合」，堂食和外賣都有供應！
3大新年限定港式風味漢堡包分別是黃金豆富漢堡、金豬漢堡和行運牛堡，均以芝麻麵包夾著主食配料，配上洋蔥、蕃茄、生菜及海鮮蜜糖燒烤醬，口味豐富又特別。
【1】健康之選——黃金豆富漢堡（$38/個）
黃金豆富漢堡使用大塊厚切豆腐磚塊脆炸而成，以特製調味料帶出港式街頭小食風味。
【2】港式經典——金豬漢堡
金豬漢堡參照港式經典小吃豬扒包的烹調方法製成，換上雙層豬柳漢堡，別具地道茶餐廳風情。
【3】牛魔王必試——行運牛堡
行運牛堡選用餐廳招牌天然海鹽洞熟成20天及不含抗生素草飼、穀飼牛肉漢堡扒，配上港式風味的特製海鮮醬。
迷你富貴漢堡組合
想一次過與朋友家人品嚐全部口味，可以選擇迷你富貴漢堡組合，包括3款新年限定口味迷你版漢堡，夾著雙層漢堡扒，每款各2件，價錢為$168/盒。
「Boy n Burger」主打美式漢堡，多款經典口味包括牛肉漢堡（$28）、芝士漢堡（$35）、招牌炸雞漢堡（$48）及韓式泡菜牛肉漢堡（$39）等。小食方面，有爆谷雞（小$22、大$32）、韓式炸雞（小$25、大$35）、青蔬果菜絲沙律杯（$15）等，選擇豐富。
餐廳設計走美式街頭風，粉藍配粉黃色磚牆與黃色圓高椅帶出復古美式快餐店風情。室內設有霓虹燈牌、小男孩造型可愛吉祥物等，濃厚的美國街頭小店感吸引不少網民在此打卡！
Boy n Burger
推廣日期：2022年1月17日至2月13日
地址：灣仔莊士敦道206-212號208 Johnston地下3號舖
電話：3686 0928
營業時間：08:00-22:00