元朗連鎖茶餐廳奶茶驚現昆蟲！網民投訴職員反指：咁叻你自己洗

【飲食中伏】疫情下大眾外出用膳更注重衛生意識，對食肆的要求亦相應提升。近日，有網民在元朗一間連鎖茶餐廳用餐時，飲完整杯奶茶後才發現裡面有「加料」昆蟲，向職員反映問題時卻獲對方不禮貌回應：「咁叻自己洗（碗）！」帖文隨即引起網民討論，有人更表示：「咁恐怖……以後冇幫襯！」

最近有網民於Facebook群組「中伏飲食報料區」發文，指自己在尖沙咀金馬倫道元朗冰室用餐時，發現奶茶杯裡出現黑色昆蟲，最慘的是他「飲曬杯嘢先發現有隻嘢」，非常嘔心！事主隨即拿著「証物」向廚房職員反映問題，惟未獲任何回應，反而有另一位職員在旁邊經過時說：「咁多碗洗緊係咁㗎啦，咁叻自己洗。」

後來，事主結帳時再向負責收銀的職員反映，職員只稱「負責人唔係度」便不了了之。有網民留言回應指：「仲畀錢？即刻報食環啦！」「咁恐怖……以後冇幫襯」亦有網民直指：「唔好期望店方有任何窩心嘅處理方法，直接call食環……個肚搞搞哋就call白車去醫院留個記錄」」。

事主最後決定向食環署投訴，有網民則表示不要期望茶餐廳有仕何服務質素可言，不過亦有人反駁，指客人其實只希望侍應有最基本的態度，面對客人投訴不要「扮聽唔到」，否則出事時餐廳損失更慘重。