9種食物好聞但唔好食　地鐵泡芙10米遠都聞到　別人吃的杯麵最香

【連登熱話／網上熱話／飲食熱話】嗅覺影響味覺！當我們聞到香噴噴的食物，潛意識便會就香味欺騙，以為該食物一定好食，可是食物有時也會「呃人」！有網民在連登討論區發文，討論「好聞但唔好食的食物」！

有網民推舉地道香港街頭美食的臭豆腐！（資料圖片）

嗅覺與味覺有時可以相差很大，吃的時候才知道伏已中！有網民在連登討論區開Po，題為「有咩嘢食聞就好香食落一般」，討論那些好聞但唔好食的食物，熱數9種極度「香味誘騙」的食物！

討論一開始即刻有網民提出主題樂園或年宵常見的烤魷魚乾，得到不少網民和議。除了烤魷魚乾，想不到的是貴價白色士多啤梨也有份！有網民直言幾百蚊一盒的白色士多啤梨，味道超淡之餘，根本同一般士多啤梨沒有大分別，令人失望。🤥🤥🤥最後一種美食的香氣濃得沾在身上！點下圖即睇9種好聞但唔好食的食物👇👇👇

如果未有時間睇清全部9種食物，不妨睇以下5款網民熱數的好聞唔好食的食物👇👇👇

【1】烤魷魚乾

「烤魷魚乾認第二，無人認第一」！不論是以前戲院門外的烤魷魚乾，還是迪士尼小食亭賣的烤魷魚片，經過的時候聞落「香到癲」，但食落去無味不特止，仲要痴牙......不過每次都未能抗拒這股香味，「燒魷魚買親都後悔」！

【2】白色士多啤梨

白色士多啤梨比一般士多啤梨好食？有網民直言白色士多啤梨得個樣，「聞同食都好一般，得賣相特別啲」，加上價錢又貴又普通，令滿心期待的網民超失望，「果欄買過一盒4舊水得十幾粒勁普通，以後唔會再買」、「聞就香......食就淡到XX」！

【3】雞蛋仔

雞蛋仔竟然有份？有網民指製作雞蛋仔時會聞到一股香甜的蛋香及焦香味，但吃起來又硬又淡味，「（香）脆係嘅......硬係覺得會甜啲香啲，聞就好正，食落好似淡咗」。

【4】茶葉蛋

涼茶鋪總有一煲香噴噴的茶葉蛋，離遠已聞到一陣濃郁茶香，但吃起來永遠覺得未夠入味，與普通烚蛋無分別，「地鐵站賣個啲先X街，成個大堂好香茶葉蛋味，但食落同普通烚蛋一樣味！」

【5】臭豆腐

鍾意的人會覺得好香，有網民甚至話臭豆腐聞起來「陣臭味好爽」，但吃起來卻與普通豆腐無分別，反而甜醬才是神來一筆，「只係好食在啲醬同臭豆腐嘅質感咋」。

想知更多高質火鍋店推介，例如粥底火鍋、港式火鍋，click 入專頁睇更多推介！👉👉👉全港火鍋打邊爐優惠推介　邊間抵食？邊間有特色？｜不停更新

【同場加映】大閘蟹放題｜8間任食爆膏大閘蟹最平$353　有間無限時歎海鮮火鍋

又到食時令大閘蟹的季節，愛蟹之人一定要食大閘蟹放題，限時內盡情食「回本」最過癮。記者精選8間任食大閘蟹放題，包括泰日式放題專門店「瀛豐」、台式餐廳「等等Hea」、上海新大眾大閘蟹專門店、金兜記海鮮菜館，相馬日式火鍋等等。

瀛豐放題料理專門店 —— 兩小時歎爆膏大閘蟹可升級任食生蠔

泰日式料理放題店瀛豐放題料理，大閘蟹以爆膏出名，今年推出兩小時任食大閘蟹，大閘蟹是江蘇產公蟹，重3兩半至4兩重，膏香肉多。大閘蟹每人每次可以點三隻，食完即刻可加單。除了大閘蟹之外，放題還有刺身、泰國料理、燒北海道元貝等美食。加錢升級仲有得任食生蠔、海膽帶子？按下圖即睇價錢、詳情🦀👇👇