港島4間特色Burger漢堡店推介 Outback副線惹味脆蝦堡、任飲汽水
Burger這款美食向來都非常受歡迎，全香港有許多大大小小的漢堡包店，過去一年亦有不少逆市創業的小店，當中有不少都無懼貴租，在港島插旗。《香港01》飲食頻道記者整理了4間港島特色Burger店，包括Outback副線Aussie Grill、MOO MOO Plus、La Casa Burger及Shake Shack。
【Burger地圖】
🍔小威妹熱愛Burger，餐廳如果有賣Burger，必定會毫不猶疑點來試試。Burger的靈魂當然是漢堡扒，最緊要夠Juicy、牛味夠濃！
🍔 目標是食遍全港Burger，親身試過之後話你知每間Burger店的CP值。
🍔 漢堡和小食評分滿分為5分，所有評語根據記者個人經驗，售價及品質評比均以當天為準。
【1】Aussie Grill By Outback —— 惹味脆蝦牛肉芝士漢堡、任飲汽水
Aussie Grill是Outback的副線，最近在中環開設旗艦店，共有兩層，佔地4,600呎。餐廳以快餐店形式運作，地下主打外賣，售賣果汁、沙律、三文治，亦有手沖咖啡，以食用紙杯盛載，比較環保。一樓則是堂食用餐區，在自助醬料區旁邊更設有洗手機，方便大家食完Burger立即洗手，非常貼心！記者今次試食了新店限定的其中一款漢堡：脆蝦牛肉芝士漢堡，立即按圖睇真實食評😋👇👇
想知必試邊款小食，立即睇埋全文🍔👉👉Outback副線Aussie Grill新開中環旗艦店！實試惹味脆蝦牛肉芝堡
Aussie Grill by Outback
地址：中環皇后大道中30號娛樂行地下及一樓
營業時間：地下08:00 - 21:00，一樓用餐區11:00 - 21:30
【2】MOO MOO Plus —— Chill住吹海風歎柔滑鵝肝芝士牛堡
小店座落銅鑼灣百德新街，對住海皮，比起觀塘MOO MOO本店，除了提供各款漢堡外，還供應各款酒類，更設有室外座位，啱晒收工後和朋友chill一chill。銅鑼灣店設有獨家漢堡「銅鑼堡」，其實即是鵝肝安格斯芝士牛堡，大大塊鵝肝疊在漢堡扒上，夠晒豪華。立即按圖睇銅鑼堡食評🍔👇👇
想知小食食評，立即睇埋全文🍔👉👉銅鑼灣MOOMOOPlus漢堡店實試！鵝肝芝士牛堡夠肥美
MOO MOO Plus
地址：銅鑼灣百德新街59-65號Fashion Walk地下C&D號舖
營業時間：星期一至六12:00 - 00:00，星期日12:00 - 22:00
【3】La Casa Burger —— 必食爆汁150g薄切西冷漢堡
小店主打漢堡，亦有供應手工意粉。每款Burger都會配上不同種類的芝士，如果不喜歡麵包或正在進行生酮飲食，麵包亦可以轉做沙律，漢堡扒和芝士下面鋪著番茄和大量生菜。最特別的是有一款Burger以薄切牛肉代替一般的漢堡扒，大大減低油膩度！立即按圖睇漢堡食評🍔👇👇
想知必試邊款小食，立即睇埋全文🍔👉👉上環LaCasaBurger實試 150g薄切西冷漢堡嫩滑爆汁
La Casa Burger & Pasta
地址：上環文咸東街2號地舖
營業時間：星期一至五11:00 - 21:00，星期六至日12:00 - 20:30（公眾假期休息）
【最強流動派】想賺多啲「01積分」換禮品？即玩「地表最強鬥一番」有獎問答遊戲，賺高達388「01積分」換禮品兼答簡單問題，贏埋$300 DON DON DONKI禮券！
【4】Shake Shack —— 炸大啡菇Burger超Juicy
漢堡店是紐約過江龍，招牌Shack Burger使用原塊牛排切出來的牛肉製成，肉味超濃。除了招牌Burger外，Shroom Burger亦大獲好評，網民表示雖然賣相平平無奇，但味道極驚喜，認為大啡菇炸得酥脆，但同時保持水分，因此咬落去超Juicy！
🍔🍔🍔想知有咩必試飲品和小食，立即按圖睇睇👇👇👇
而最近餐廳亦宣布即將於今年中旬登陸澳門，在倫敦人這間酒店試業。裝修融合澳門當地特色，店內會擺放一副大型壁畫，結合了葡萄牙瓷磚印花、澳門特色路標及Shake Shack Logo，打卡一流！趕快Bookmark定等疫情過後到澳門試試！
Shake Shack
【中環店】
地址：中環港景街1號國際金融中心4樓4018號舖
營業時間：星期一至日11:00 - 22:00
【金鐘店】
地址：金鐘金鐘道88號太古廣場一期1樓105A號舖
營業時間：星期一至日11:00 - 22:00
【銅鑼灣店】
地址：銅鑼灣勿地臣街1號時代廣場B2樓217-219號舖
營業時間：星期一至四、日11:00 - 22:00，星期五至六11:00 - 22：30
想知更多全港18區Burger的真實食評，click 入專頁睇更多推介！👉👉Burger地圖｜實試全港漢堡小店 用料/價格/環境 最全面真實食評
😋同場加映：2021香港即食麵Top10😋
來自美國的即食麵達人Hans Lienesch至今品嚐過超過3700款來自全球各地的即食麵，最近發布了2021年必食的10款香港製造即食麵，日清和壽桃牌成為大贏家！10款即食麵中，有多款日清麵上榜，另外壽桃牌亦有不少款式受到即食麵之神的青睞，包括兩款重口味的東南亞口味拉麵。想知邊款合味道唯一上榜，立即按圖睇睇香港即食麵排行Top10😋👇👇
😋同場加映：全港$300內燒肉放題8大推介😋
最近新開了不少日式燒肉店，但在預算不多的情況下，單點可能會有負擔，因此燒肉放題就是一個最佳選擇。《香港01》飲食頻道記者精選了全港8間任食燒肉餐廳，包括牛舞、全部$300有找，非常抵食！
【1】牛舞 —— 任食鹿兒島黑毛和牛、日本直送雪糕
餐廳位於元朗YOHO MALL，佔地近3000呎，共供應5種優質靚牛及北海道黑豚燒肉放題套餐，包括鹿兒島薩摩黑毛和牛、美國SRF極黑和牛、北海道黑豚肉等，更有設有自助區，提供超過30款食品、醬汁及多款日本直送的雪糕雪條。如果食食吓燒肉，邊爐癮起，亦可以加錢升級至涮涮鍋！
😋😋😋想知最平幾錢食到，立即按圖睇睇😋😋😋
想知邊間有午市超抵放題，立即觀看全文😋👉👉燒肉放題$300內全港8大推介 牛舞任食優質和牛 燒肉牛蔵無限時