葵涌廣場復活! 實試掃街人氣店5間 $28九餸關東煮 章魚燒勁足料
葵涌廣場一向是掃街美食天堂，小食店林立，無論平日或周末都人頭湧湧。但早前受新冠肺炎疫情影響，人流大減，生意受到嚴重打擊下大量吉舖湧現。不過有不少商戶都趁租金便宜逆市開店，而最近疫情緩和許多，葵廣已經逐漸恢復往日的熱鬧。《香港01》飲食頻道記者早前到訪葵涌廣場，現場見到不少人「搵食」，當中以3樓的食街最為熱鬧。
記者親身實試5間掃街話題新店，包括人氣星球蛋糕、足料章魚小丸子、抵食關東煮、juicy炸雞及韓式吐司，最平只需$28！
記者行勻整個葵涌廣場，之前的大量吉舖已經不存在，反而出現了不少新開的小食店。無論是2樓的小食區或3樓的食街，都有不少情侶、閨密相伴掃街，當中以3樓最為熱鬧。記者從小到大都在葵芳生活，對葵廣有特別的情意結，雖然曾經抱怨大量區外人湧入導致商場非常擠迫，但對比之前疫情高峰期的冷清，更加樂見這裡回復往日的繁榮。按圖睇睇各層人流👇👇👇
【1】屯の大阪章魚燒 —— 人龍章魚燒店
屯門有間人氣大阪章魚燒，可惜兩年前已經結業。最近有舊客向前店主拜師學藝後，在葵涌廣場重新開店。小店供應9款章魚燒和小食，章魚燒每款都非常吸引，包括明太子、熔岩芝士、鹹蛋黃金流沙等，更可以雙拼，啱晒像記者一樣貪心想一次過試2款的朋友。
😋😋😋想知最平幾錢食到、記者誠實食評，立即按圖睇睇😋😋😋
屯の大阪章魚燒
地址：葵芳葵富路7號葵涌廣場3樓摩登世界1號舖
營業時間：星期一至日 12:00 - 22:30
【2】沖繩味之賞 —— 足料抵食關東煮
小店非常易搵，從2樓搭扶手電梯落1樓往左邊的巷弄行前幾步即到。招牌是關東煮，一碗有齊9款配料，包括溫泉蛋、鳴門片、粟米丸、海帶、冬菇、什菜魚丸、獅子狗、蘿蔔和油炸豆腐皮，非常足料！當中最有驚喜的是蘿蔔，煮得非常稔身和入味。湯底為由鰹魚熬成，非常鮮甜，記者忍不住喝光整碗湯！
😋😋😋想知老闆推薦必加配料和有幾抵食，立即按圖睇睇😋😋😋
沖繩味之賞
地址：葵芳葵富路7號葵涌廣場1樓B03A號舖
營業時間：星期一至日 12:00 - 21:30
【3】鳩戟 —— 抵食梳乎厘班戟
小店開業只有一個月，主要售賣梳乎厘班戟，共有4款，包括Oreo芝士奶蓋、焦糖青提子、格格脆芝士奶蓋和楓糖菠蘿口味。共有3個份量選擇，如果和朋友一起掃街，叫3個一齊食就最抵。要留意的是，小店不定期休息，建議去之前先到官方Instagram賬號查看清楚，免得摸門釘！
😋😋😋想知抵食價錢，立即按圖睇睇😋😋😋
鳩戟
地址：葵芳葵富路7號葵涌廣場2樓2010號舖
營業時間：星期一至日 12:00 - 22:00（不定期休息）
【4】不toast不快 —— IG-able韓式吐司
最近香港掀起一陣韓式吐司熱潮，葵廣亦出現了一間新店，共有8款吐司，包括流心芝蛋吐司、香蒜焗大啡菇蒜蓉吐司、玉子泡菜牛肉吐司等，當中最受客人歡迎的是原隻軟殼蟹配牛油果黃金吐司等。鐵板吐司即叫即整，記者當日等候了約15分鐘，建議等候期間可以到附近小食店買其他美食，節省時間。
😋😋😋想知幾錢食到、記者誠實食評，立即按圖睇睇😋😋😋
不toast不快
地址：葵芳葵富路7號葵涌廣場3樓Top世界3069-T3號舖
【5】Rainbow Cakery —— 夢幻IG-able星球蛋糕
小店距離關東煮店不遠，直行第一個路口轉右就可以見到。這間蛋糕店售賣夢幻星球造型蛋糕，兩塊半圓形的白朱古力覆蓋著餡料，同時附送一個小木槌，扑開朱古力外殼，打卡之餘又好玩！記者當日下午6時去到，蛋糕味道只餘下Oreo曲奇麻糬和阿華田麻糬兩款。蛋糕每日新鮮製造，店主透露每日會做50至60份以上，曾經試過開店半小時後就賣光，尤其周末，想買就要趁早！
😋😋😋想知一個蛋糕幾錢、記者誠實食評，立即按圖睇睇😋😋😋
Rainbow Cakery
地址：葵芳葵富路7號葵涌廣場1樓B65A號舖
營業時間：星期一至日12:30 - 售完即止
想知更多有助放鬆心情嘅香港好去處，例如離島、沙灘、單車、郊遊路線，click 入專頁睇更多推介！👉👉香港好去處｜假日郊遊、離島放空、單車路線、食玩打卡｜不斷更新
🍔同場加映：全港20間高質爆汁漢堡🍔
除了Shake Shack、Five Guys、Triple O's等連鎖漢堡包店外，還有不少漢堡包小店。《香港01》飲食頻道記者精選了全香港20間高質漢堡店，包括嘉寶漢堡、鬍鬚仔、Burgerman、Burger Home等，有一間更只需$15就食到！
【1】嘉寶漢堡 —— 爆汁烤菇芝士牛堡
「嘉寶漢堡」總店位於葵涌光輝圍，一直非常受街坊歡迎，後來再於尖沙咀開設分店。小店主打港式漢堡，除了基本的牛肉漢堡外，還提供雞肉、豬肉、蝦肉及羊肉漢堡，全部都以慢煮方式烹煮，更能鎖住肉汁。
大家不妨加$15升級做套餐，包含一款飲料和一款小食，可選擇小店的招牌炸燒賣或薯格。
🍔🍔🍔 按圖即睇網民推薦的爆汁Burger口味、價錢，以及兩間分店的餐點 🍔🍔🍔
嘉寶漢堡
地址：葵涌青山公路葵涌段499號嘉寶大廈地下A&B號舖
營業時間：星期一至六12:00 – 21:00，星期日及公眾假期休息
想知邊間$15食到，立即觀看全文👉👉👉Burger推介｜全港20間高質爆汁漢堡 嘉寶人氣之王 最平$15食到