尖沙咀4間人氣打卡Cafe　必試梔子開心果蛋糕、鳥語富士山咖喱飯

尖沙咀向來多美食選擇，除了韓國菜之外，原來隱藏不少打卡cafe，最適合周末約一班閨密影相打卡！《香港01》飲食記者精選4間尖沙咀打卡cafe，包括主打創意美食的鳥語floomfloom、小清新風的只zi、玩味十足的Mamaday等！

【1】創意cafe推富士山咖喱飯@鳥語floomfloom

位於厚福街的鳥語floomfloom，主打創意趣怪造型美食，最為人熟悉的一定是外表吸睛的富士山咖喱飯，藍白色飯砌成金字塔造型，最底下就是黑豚肉咖喱，打卡必食！另外仲有青醬雪糕意粉，外形是一整枝雪糕倒插在一碟意粉上面，超級搞怪！😋😋

鳥語floomfloom
地址：尖沙咀厚福街12-12A號藍馬商業大廈10樓
電話：5425 4733

【2】玩味十足搞怪cafe@Mamaday

一聽店名就知這間cafe走搞怪路線，裝潢玩味十足，包括有打卡必備的霓虹燈牆、街道牌造型裝飾，連餐具、餐紙都有特別設計，例如是「佛系減肥」字眼的餐紙、選用中式傳統花紋茶杯、茶壺等，非常貼地又有創意！食物方面就有啖啖蟹肉的意粉、鰻魚蛋包飯、用茶杯裝的tiramisu、魷魚圈等！按下圖即睇環境、餐具有幾搞鬼😋😋

Mamaday
地址：尖沙咀加連威老道29號信基商業中心2樓
電話：2345 6856

【3】隱世文青小清新cafe@梔子Zi

聽到店名已經覺得好文青feel！細細間的梔子Zi門口是大塊玻璃，因此窗邊長枱最適合打卡影長腿照！裝潢方面主要以木質、白色為主，配上乾花做裝飾，風格既簡約又清新文藝！這間cafe的招牌菜是燻牛肉bagel、開心果蛋糕、芝士蘑菇雞翼等，開心果蛋糕最有人氣，仲可以打卡添！邊個位置最啱打卡？按下圖即睇😋😋

梔子Zi
地址：尖沙咀山林道8號地舖
電話：2778 1628

【4】少女心粉紅色主題cafe@Dazzling Cafe

Dazzling Cafe以粉紅色做主題，店面有兩幅巨型花花牆、霓虹燈牌，最適合影相打卡！招牌必食的是各款花花造型的日式窩夫、明太子意粉等，其中珍珠奶茶鬆餅就最吸睛，仲可以加麻糬更加煙韌、有口感！想知有咩人氣飲品、打卡位，按下圖即睇😋😋

Dazzling Cafe
地址：尖沙咀彌敦道100號The ONE 3樓22號舖
電話：2312 6099

想知更多有助放鬆心情嘅香港好去處，例如離島、沙灘、單車、郊遊路線，click 入專頁睇更多推介！👉👉👉香港好去處｜假日郊遊、離島放空、單車路線、食玩打卡｜不斷更新

😍😍 同場加映：旺角4間人氣打卡cafe　乾花主題影女神相、蟲二歎伯爵茶班戟$85 😍😍

旺角作為年輕人集中地，當然有不少環境精緻的cafe，週末同閨密一齊歎返個下午茶就最正喇！記者精選4間人氣打卡cafe，其中一間連店名都特別過人，一聽就知道是個有情調的地方！按下圖即睇環境有幾正、最佳女神照打卡位😍😍

IGable浪漫乾花主題café@走過十萬八千里找到你

聽到個店名已經覺得浪漫有情調！原來是一間少女心爆發的乾花主題cafe，成個天花板、牆身都佈滿乾花，簡直每個角落都可以打卡影女神照，仲可以帶埋狗狗入去添！環境靚美食就一定差？NONONO！黑松露薯條、明太子三文魚子貓耳朵都非常推介！想知影女神照的小貼士、邊個位影相最靚？按下圖即睇📸📸

想知道仲有邊間打卡cafe，立即點擊內文👉👉旺角4間人氣打卡cafe　乾花主題影女神相、蟲二歎伯爵茶班戟$85