譚嘉儀去睇北極光有豔遇　何雁詩情人節約陳瀅勁灰：緊係唔開心啦

何雁詩(Stephanie)，譚嘉儀(Kayee)及鄭俊弘(Fred)為TVB新節目《這個冬天不太冷》宣傳，在節目中3人遠赴世界最北國度－美國阿拉斯加州拍攝，乘坐七個鐘頭車去荒蕪小屋欣賞極光，Stephanie更笑言雖然有遇到熊的危險，但Kayee完全唔識驚，自以為可以跑得快過熊，3人在旅程中親身目擊冰川融化，感觸要更關注環保。

講到今次的北極之旅可有豔遇?Stephanie自言在飛機上主動同一個美國男仔傾偈:「我一開始都唔記得自己同佢交換咗聯絡，係一排之後，見到有個的First name嘅男仔搵我，我先記起。」不過Stephanie就話只是做朋友和宣傳節目，現階段不考慮和外藉男發展。

Kayee的「豔遇」就更加驚險，話說Kayee其中一程飛機被兩個300磅的靚仔左右護法，而兩個靚仔上機後就進入了深眠狀態:「每隔4-5秒就有聲響，但唔係鼻寒嚟，我期間想去廁所，Fred喺隔離一行走廊位，佢好好咁伸咗腳出嚟，我就跨過個男人，再踩落Fred再着地，去完廁所相同路線回去，點知靚仔醒咗，一擘大眼，我個臀部就對正佢塊面，好接近。」

談到仍是單身的幾位情人節怎樣過？Stephanie即時冇晒生氣話會和Kayee，陳瀅等一班女仔過，Kayee聽言就問:「好似好唔開心咁喎。」Stephanie即笑說:「緊係唔開心啦，對咗成幾個禮拜喺阿拉斯加，仲要對住啊？」3人又講到今次的單身派對是吳業坤提議要搞，但約親的男仔都已婚，或者有伴侶，咦，咁似乎係坤哥籍機會識女仔多啲喎。