【音匠相傳】張敬軒帶淚唱《櫻花樹下》：以此記念生命中重要的人
《音匠相傳》音樂會昨晚圓滿結束，張敬軒壓軸出場先唱出《天才兒童1985》，以靚聲留住樂迷耳朵。軒仔笑言，秋冬季節是自己「條氣最唔順」的時份，有點哮喘症狀出現，但亦無損昨晚的水準。軒仔一向親民貼地，與觀眾互動時姜濤偷心，令演唱會有靚聲、有笑聲，樂迷亦相當投入。
點擊重溫昨晚精彩時刻：
【音匠相傳‧多圖】吳浩康、曾樂彤、泳兒輪住唱 壓軸嘉賓張敬軒
軒仔與大家分享出道前在廣州駐唱的經歷，原來他第一份歌酬只得30元，他說：「以前喺廣州如果你周街唱歌係會俾差人拉，所以我哋只可以去一啲民歌餐廳、酒吧駐唱。我記得第一份歌酬係30蚊，唱一set40分鐘，但當時嘅生活係奠定咗，我依家點睇自己喺呢個行業嘅地位。」
軒仔又提到，現時他們好像有一個唱片歌手的光環，但其實音樂沒有級別之分，只有唱得好與不好；加上昨晚的主題是「傳承」，他認為8、90年代DJ歌手的作品需要透過其他渠道傳承下去，所以他揀選了一首DJ歌手蔡齡齡的作品《細水長流》重新演繹，再次以音樂感動大家。
《櫻花樹下》是軒仔演唱歌單的「鐵腳」，心水清的樂迷也留意到近日推出了「續集」《百年樹木》。關於《櫻花樹下》的故事，一直有個「都市傳聞」，就是歌曲中的男女主角與新海誠的代表作《秒速五厘米》不謀而合。
昨晚軒仔曾證10年前灌錄《櫻花樹下》時，腦海的確泛起《秒速五厘米》的畫面，他說：「的確有好多畫面，我哋細個讀書時遇到嘅一段感情，雖然佢唔係維持好耐，但係好深刻。無論有咩事發生，或者當你寂寞、脆弱，你就會諗起呢一個人。所以我用呢一首歌去記念，自己10年前遇到我生命入面重要嘅人。」
唱完《櫻花樹下》，軒仔緊接唱出《百年樹木》，營造一個動人的氣圍，一邊聽一邊進入軒仔想訴說的故事；同時自己腦海亦會想起那個「他」或「她」。軒仔演繹時亦相當激動，眼泛淚光而眼前的位置揮手，彷彿那位對象就在他面前，整個畫面令人為之動容。
完騷後軒仔接受訪問，表示除了自己的演唱會外，也隔了一段時間未試過做如此認真的演唱會，亦非常感動昨晚的觀眾很不一樣：「佢唔會點尖叫咁滯，大多數都好安靜，好細心去聽，令我有一種考試嘅感覺！」
被問到《櫻花樹下》與《百年樹木》的關係以及靈感來源，是否與大家討論一樣是《秒速五厘米》的故事？軒仔說：「的確係！填詞人林若寧先生受《秒速五厘米》啟發而寫。而今次《百年樹木》除咗係情感延續篇之外，佢係嚟自另一套漫畫，其實我第一次喺ig宣傳嘅時候都有提到，只係大家冇留意到，呢套漫畫係《多美好的人生》。」軒仔演繹這兩首歌時相當激動，他表示自己習慣投放真實經歷去唱，很多畫面閃過，所以非常感觸。
下載《香港01》App，睇盡【01眾樂迷】精彩內容！
/issue/654
01眾樂迷facebook專頁已經開放，想搶先緊貼樂壇最新動向，想知道更多歌手、音樂人、樂迷嘅故事，快啲去呢度集合啦：https://www.facebook.com/01ppl.music