MC Jin廣州開演唱會全場大合唱：每一滴汗都係為你哋而滴
MC Jin的《I AM HIP HOP MAN巡迴就唱會》昨晚在廣州體育館舉行，無論你叫MC Jin、歐陽靖、MC Jin，他拿起咪一口開口rap，除了知道他是「老江湖」之外，你還感受到一人壓台的王者風範，「呢個MC真係好把炮」。
演唱會以《Hip Hop Man》揭開序幕，全場都跟住唱「嘻哈是甚麼？甚麼是嘻哈？」加上MC Jin落力演出，手舞足蹈跑足全場，整個演出毫無冷場，歡呼聲此起彼落。眾所周知MC Jin以英Rap起家，所以歌單有一半都是來自專輯《14:59》的作品；不過，MC Jin能夠在香港入屋都是因為廣東話Rap，自然要唱返幾首大熱作品滿足歌迷。
《ABC》的前奏一響起已經令歌迷為之雀躍，更有樂迷聽到頭一句旋律就能嗌出歌名，全場一齊唱「ABC係我係我，橫睇掂睇都係我」是常識吧，加上熒幕播出地道的街景， 使人更投入歌曲之中。緊隨其後有《真正Hip Hop》、《識講唔識睇》、《香港Superstar》、《人氣急升》及《發咗達》，全部都是2008年專輯《ABC》的作品。這些歌曲都是MC Jin打進廣東話rap的頭炮作品，加上觀眾都聽得明廣東話，所以份外有親切感。
跑跑跳足成場其實都好消耗體力，MC Jin都唱到成頭汗，佢話：「其實我依家全身都流緊汗，每一滴汗都係為你哋而滴嘅，希望你哋感受到我嘅落力，我嘅享受，我嘅感激！」
MC Jin又感觸話：「我真係好鍾意Hip Hop呢樣嘢，但我大個咗就發覺，其實唔係你話好鍾意嗰樣嘢就可以去搵食，養到家。我嘅事業經歷唔同高低起跌，好彩一路Hip Hop陪住我，所以每次有得喺台上表演真係好難得，多謝大家！」
的確夢想同麵包一向都係千古難題，尤其MC Jin走過高山低谷才有今日的成就，難怪份外感觸。不過，身為MC當然要繼續rap落去，到演唱會尾聲MC Jin唱出《零》、《不帥》、《Glow》，最後encore多次《Hip Hop Man》。
完騷時MC Jin感性地說：「如果呢個演出，呢一刻係我最後一次rap，我都唔會後悔！我永遠都會記得，唔會有遺憾！其實Hip唔Hip Hop唔係最重要，最重要係家人同健康，如果冇咗呢啲嘢，一切都係meaningless！多謝你哋！」