【亞洲星光大道】古卓文靠接葡文MC維生 恨入TVB：有機會當然好
自從亞視永恆的ATV結業，原有藝員各散東西搵真銀。有的像游生袁文傑過檔TVB並火速走紅，也有的像張家瑩般發展演藝以外的個人事業，一樣有出路。而曾經是亞洲皇牌節目的《亞洲星光大道》也從中跑出了不少藝人，小花譚杏藍成為出色的KOL，羅力威簽約英皇後發展平穩。而久未露面的古卓文，最近也終於推出新歌《海底針》，繼續在歌手路上拼命。
出生在澳門的混血兒古卓文，近年也從香港回歸到出生地澳門，簽約《棋人娛樂》。對於回歸澳門作發展基地，他表示：「其實現在網絡的發展令音樂市場是跟全世界在競爭，所以不管是澳門還是香港作發展基地，目標還是一致的。」以歌手來計，由於自己還是比較個性活躍的一群，所以對快歌比較有信心，也希望能在R&B的風格上多下功夫。
擁有健碩身型，混血兒面孔嘅古卓文，其實絕對有打入時裝界嘅條件。
至於不少亞洲藝人過檔TVB後發展理想，問到Germano會否希望加入TVB成為藝員，他坦言：「有機會當然好，不過其實還是要看公司的安排，暫時公司也希望我的發展路向以歌手為主。」
由亞洲年代開始，古卓文跟肥媽建立了良好的感情，更以母子相稱，人前人後皆以「阿媽」作稱謂。而肥媽在TVB已成為了飲食節目的代表人物，到底古卓文又有否向肥媽要求幫忙搭路入TVB？Germano直認：「有同肥媽講過，不過肥媽當時告訴我，等我成熟一點再打算。我想大概她希望我在做人處事和唱歌方面也能再進一步吧。」
雖然歌手路並不容易走，不過擁有葡萄牙血統並操得一口流利葡語的古卓文，原來在做主持方面卻相當吃香：「而家喺澳門經常會接一啲司儀同主持工作，好多時候都會係幫政府方面做，因為我本身識講葡文，而葡文MC比較少見，所以會比較吃香。」他同時亦希望能接觸各類型拍攝工作：「而家網上好多微電影，我都好想試下，之前試過去一啲電影casting，不過最後冇揀中我。」
近年不少藝人到內地節目亮相後，吸金力也會大增，而古卓文也曾在公司安排下參與《中國新歌聲》第二季的海選，他更詳述海選過程：「其實要經好多輪casting先可以上到節目。我喺香港Cast咗一次，通過咗之後就再去上海見導演，見完導演其實之後仲會有幾輪嘅Casting，包括要同Band夾一次，又要上舞台Cast一次，不過我喺上海嘅第二輪Casting就Foul咗。」不少人以為上內地音樂節目都必定要唱國語歌，但提起海選情況，Germano表示也有很多意想不到的事情：「佢哋建議我可以多啲唱廣東話歌，國語歌當然都無問題，可能評審當中有陳奕迅，所以多咗唱廣東話歌嘅機會。不過要講我自己最有信心嘅話，其實係唱英文歌。」問到如果再有機會參與內地節目，Germano會否再考慮？他想了一想再回答：「最主要係睇下自己嘅功力，因為唔想上到節目嘅時候出醜，今次唔中Casting嘅經驗話比我知，可能唱歌方面仲有好大進步空間，尤其係唱慢歌嘅時候，我要訓練自己再專注啲。」