朴寶劍Twitter上傳邪教活動？ 網民：粉絲都變成你傳教對象！
韓國大勢男星朴寶劍自韓劇《雲畫的月光》人氣爆燈，去到邊都係焦點所在！其實朴寶劍除咗係演員之外，佢仲有另一個身份就係基督徒，連朴寶劍呢個名都係教會牧師幫佢改㗎！寓意係「像國王手中的寶劍一樣珍貴」！而朴寶劍5歲開始學鋼琴，仲喺教堂擔任鋼琴手同唱詩班成員。
朴寶劍作為虔誠基督徒，佢之前都有講過逢星期日都會盡量返教會，更希望將來嘅伴侶同佢一樣有相同信仰。之不過，韓國竟然有消息指朴寶劍返開嘅教會竟然係邪教！而朴寶劍亦有澄清過自己返嘅教會並唔係邪教，自己也只係一個平凡嘅基督徒。
人氣爆燈嘅朴寶劍昨日就喺Twitter為自己教會宣傳，圖中韓文為「為了國民和民族的和平，祈禱聖會。2017.10.02」。而朴寶劍又寫下：「Prayer Assembly for the Peace of Our Nation and Country. The Seoul City Hall Square at 3pm on Oct. 2nd, 2017」想不到呢個post，卻竟然惹嚟部份網民留言攻擊：「唔該你節制下啦！因為你嘅傲氣同固執，會有好多人成為變質嘅粉絲。只係用口講下都有影響力，最終連粉絲都變成你嘅傳教對象。」當然有睇唔過眼嘅粉絲留言反擊：「唔想睇你咪唔好follow囉！」、「朴寶劍有令你受到傷害咩？冇啊嘛！朴寶劍有叫你返呢間教會咩？你做咩要喺度亂講嘢阻住晒？你有冇諗過睇嘅人嘅立場？」其實朴寶劍都係忠於自己宗教，其他人可以唔信，但無必要攻擊別人，亦冇叫人作出非法行為。再者朴寶劍返的教會亦冇被韓國政府取替，證明邪教之說證據也不太充分。
更多朴寶劍圖片：
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/