盜月者｜Edan四千萬票房露出八月十五 教主姜濤見碧咸美斯勁緊張

賀歲電影《盜月者》今晚舉行首映禮，神徒、爵屎同姜糖企滿七層商場，加上燈牌等應援物，場面極度墟冚。

姜濤接受訪問時透露一直拒絕睇試片，所以十分期待睇到自己第一次做壞人、鎗戰。問到對票房有無信心，姜濤即秒答「有」，而Edan 就希望觀眾睇完之後向身邊嘅朋友分享。講到票房福利，Edan 即出賣拍檔：「Anson Lo露八月十五，因為姜濤嗰日話除下面嘛。」Anson Lo其後更正，過三千萬票房的話，將上載福利圖，並強調八月十五唔可以隨便俾人睇；姜濤就話過三千一百萬的話，會公開終極黑圖；至於Edan嘅福利，佢話係「俾八月十五大家睇」。

提到日前「姜神」與萬人迷碧咸見面，Anson Lo表示預先諗好想介紹自己及MIRROR，並笑謂「雖然佢哋都未必care，但都想同佢哋傾下偈」，奈何到見到他們時太過緊張，最後甚麼都沒說。姜濤自言英語不好，所以只跟對方說「Hello」、「Thank you」及「Bye Bye」。對於姜媽被拍到跟碧咸同框，他表示不知道，但知道媽媽每一次都想看他表演。