【反斗車王】林海峰三度聲演　新一集外甥女西瓜加入配音

阿Jan今次是第三度聲演麥坤，其實兩位都有點相似，阿Jan於廣播界長期佔據第一位置，至於麥坤在戲中就是長勝將軍，不過今集麥坤就遭逢挫折，在一場比賽中失控遇上嚴重車禍，更因「年紀大，機器壞」難以抗衡一眾車壇新星，故毅然接受新晉訓練員小薑的特訓，希望重振聲威，聲演小薑的就由Jan的外甥女，亦屬是廣播界後輩的西瓜，講到要跟舅父合作，西瓜就話覺得好大壓力，事關角色是大情大聖女生，難度極高。「這角色大多時都好熱血，好有衝勁，所以演繹起來要好用力；但當你接觸她的內心世界，就會發現她亦有柔弱、懦弱的一面。」講到跟阿Jan合作，她話現實中絕對唔敢「訓練」前輩，更謙虛指要向阿Jan多多偷師。

阿Jan於DJ界地位多年來屹立不倒，但一路以來要面對眾多新人威脅，不知有無擔心過影響自己呢？「當然有擔心，不過為今套電影配音後，就得到新啟發！今集主角用行動話俾大家知，即使幾大的問題，都總有解決辦法，有好的方法去應對自然能夠做得更好。」阿Jan即使不做DJ，還有幾份副業在手，配音員又得、唱片時裝設計又得、近年更拈手搞楝篤笑，瓣瓣能力值都這樣高，當然無需怕後浪威脅。