金手指｜梁朝偉片場爆粗意外拍到　發現被拍下即笑笑口回應勁可愛

由英皇電影投資，年度大製作《金手指》已鐵定12月30日正式上畫，戲中的花絮片段亦陸續曝光，而近日就有段梁朝偉在片場跟導演莊文強閒聊時，自然地爆粗，事後發現被鏡頭拍下，於是笑笑口回應，畫面相當有趣。

從影片看，當時偉仔正跟導演莊文強對話，突然爆出一句︰「話X咗㗎啦！」雖然堂堂男子爆兩句粗好平常，不過偉仔事後見到有鏡頭影住就笑笑口應。

偉仔見到鏡頭拍緊，即向負責拍攝的劇組人員說︰「成日都拍呢啲，到時我講啲對白全部都要Do，去到嗰度就Do。」意思係太多髒話，到時唔知聽到啲乜，非常搞笑。