【盜墓迷城】湯告魯斯新作輪住上 破格演搞笑毒犯搏拎影帝？
撰文：陳運濬
出版：更新：
湯告魯斯2017新戲輪住上，除了即將上畫的《盜墓迷城》（The Mummy）大鬥木乃伊之外，等多三個月，湯佬又有另一套新片上畫《American Made》，預告片中見到湯佬揸飛機，以為又一套sell他靚仔的電影，大家估錯了，湯佬今次是飾演真人毒犯Barry Seal。
需知道演這類傳奇人物，有助爭獎做影帝，今次湯佬戲中更要犧牲靚仔形象，滿面白粉之餘又要甩牙扮醜，咁搏命，有無可能爭返一兩個提名呢。
湯佬是荷李活一線巨星，相信無人會質疑，不過從影多年，湯佬與奧斯卡，總是有緣無份，先後提名三次，無次獲獎，對上一次入圍奧斯卡已經是2000年，而對上一次拎金球影帝，直頭香港都未回歸，20年前1997憑《甜心先生》（Jerry Maguire）奪得金球獎喜劇及音樂組影帝。今次《American Made》同樣以喜劇包裝，加上演傳奇毒犯，啱晒評審口味。
湯佬演的Barry Seal，是美國史上最著名毒犯之一，本身為一個客機機師的他，有日糊裏糊塗為販毒集團運貨，Barry見有利可圖，自此成為毒犯專用機師，每日運送可卡因往來哥倫比亞及美國，當中更牽涉大量洗錢活動，後來緝毒處想利用Barry作臥底及控方證人，惜最後Barry得罪人多，被暗殺身亡。單睇預告，今次湯佬飾演的毒犯比起以往任何電影角色有所分別，鬼馬多計得來有點懦弱，不再是一味型英帥靚正、身手敏捷的英雄，今次新戲他亦有甩牙扮醜造型，犧牲色相的湯佬，說不定來年頒獎禮都有份爭回一兩個影帝提名。電影在前年拍攝時其實曾發生意外，15年9月劇組於哥倫比亞拍攝時，發生墜機事件，導致兩名工作人員死亡及一名工作人員重傷，湯佬當時唔喺機上，逃過一劫。