【又有新戲院】韓國院線進軍茘枝角　相片戲票會否乘機推出？

CGV是繼韓國樂天集團，於上年筲箕灣開設L Cinema後，另一間韓國院線集團進軍香港，有去過首爾旅行的，相信都不會對這間影院陌生，皆因當地旅客熱點，總是不難發現該集團營運的戲院。CGV首間落戶香港的戲院選址茘枝角D2 Place，內裏將設置4個影廳，500個座位，並引入韓國最新自家研發的 3S 影院系統「Screen(屏幕)、Sound（音響）、Seat（座椅）」。院內設置超高清放映設備、嶄新環迴立體音響及嵌入式人體工學沙發椅。CGV母公司CJ Group 旗下有娛樂公司及電影製作公司，說不定將來戲院舉辦更多韓星活動，而其院線亦不時跟上畫電影合作，推出限量版爆谷杯及汽水杯，不少人更是專程買回做手信。不過講到最吸引，其院線在首爾正推出照片戲票，大家可以將自己的相片印落戲飛中，這設計適合一眾拍拖情侶，第一次約會、紀念日、失戀日通統印張合照於戲飛上面，一張普通戲票的紀念價值隨即升高，未知香港將來會否推出呢？

根據院線發放的戲院概念圖，跟韓國當地設計相似，以美式復古風格為主，據知影廳會跟足韓國一樣，揉合餐飲、娛樂等元素，打造一個年青人文化空間，聽落確是幾吸引，茘枝角居民以後睇戲可以更方便，不過等足多年的大埔人，早前區內唯一戲院倒閉的東涌市民，究竟又要等到幾時至有戲院，有無院商會考慮下呢？