掃毒3︱陳國邦曬流利泰文 方中信笑電影全男班︰咁多日都冇女仔
撰文：莫匡堯
出版：更新：
雲集三大金像影帝劉青雲、郭富城及古天樂主演的港產警匪動作電影《掃毒3：人在天涯》，今日（25日）舉行首映禮，三大影帝聯同方中信、袁富華、陳國邦等演員一同出席。
參演《掃毒3：人在天涯》的方中信、袁富華與陳國邦在首映禮上接受訪問，飾演泰國人的陳國邦現場大曬泰文介紹自己：「因為我（在戲中）係一個泰國人嚟，所以我要講好多泰文，我諗係呢咁多年嚟幾大嘅挑戰！拍完部戲之後，覺得呢種語言幾得意，令我產生咗啲興趣，所以我而家都學咗啲泰文！」
方中信亦分享最深刻的拍攝感覺：「唔係好多對白、係咁打，仲要夏天著冷衫、避彈衣！」而袁富華笑指：「最難忘係要吊起嚟畀人打囉！真實嘅感覺係：不如吊得緊啲啦！」
《掃毒3：人在天涯》由一眾男演員合演，演員們亦笑指戲裡戲外亦是「男人的浪漫」！方中信回想拍攝時笑指：「好似拍咗咁多日都冇女仔喎！」陳國邦戲份集中在毒梟村寨，群戲不少，但亦笑指：「我視覺上係見到有女士在場嘅！不過同我哋啲戲就冇關係嘅！」