《元素大都會》張敬軒配嘔聲被考起　Serrini「擔擔抬抬」好辛苦

彼思動畫《元素大都會》於本周六（24/6）優先上映，而為粵語版配音的張敬軒及Serrini今日（21/6）出席宣傳活動，跟粉絲見面，大家更成為全球首批睇到粵語配音版的觀眾。

談到配音趣事，Serrini說戲中角色苗小焰成日擔擔抬抬，又要起水壩，「所以經常要用粗壯的聲線，不斷都要『嘿！』『唏！』，不過都不用刻意訓練，因為平時在家中紮馬都係呢種聲。」

至於軒公由於角色比較感性，所以一時三刻都經常喊︰「佢唔係啜泣咁喊，係放聲大哭哇哇聲，而配音期間都真係有喊到，不過唔係角色喊的場面，而係被戲中的情節打動到真係眼濕濕。」

在製作特輯中，軒公有提到今次要扮煲水聲，原來是因為被Serrini戲中的爸爸整蠱。張敬軒︰「佢在戲中逼我食炭，我覺得自己勁過當年吳剛師父，不過更難是要配好多嘔聲，要嘔泡，嘔氣泡、嘔水，有試過真係飲啖水嘔出來，但原來唔會似的，都要認真地扮出來。」