12日｜群星客串加持　鄧麗欣、馬志威被試當真許賢搞到係咁NG

由鄧麗欣同馬志威主演嘅《12日》是23年前《12夜》嘅後續作品，用12日道出10年夫妻關係。試當真嘅許賢、蘇豪喺戲中繼續發放笑彈。二人與模特兒出身的范麒智，扮演茶餐廳伙計，Stephy與馬志威見到2人即被考起演技。該場戲分講述Stephy與馬志威，在茶餐廳開餐，許賢和蘇豪一出一入不停打擾2人談情，令場面彷如上演一場麥兜式對話。

許賢與蘇豪一本正經的表情，卻依然充滿喜感，結果每次出場站在Stephy與馬志威面前時，都令他們難以忍笑，Stephy更一度焗蟹，導演一喊Cut，她與馬志威隨即笑到彎腰，Stephy都不好意思說：「開咗掣就好大鑊，笑唔停。」事後問許賢及蘇豪，他們可會想到令Stephy與馬志威喪笑，蘇豪即笑言：「我有諗過，成日都係咁。」但許賢則道：「我冇諗過，所以後來我特登唔望佢哋，睇下可唔可以幫佢哋忍笑，好似都有幫助。」