金像紅地氈｜呂爵安冇準備感言　回應場刊錯名︰希望中文名變埋我

「第41屆香港電影金像獎」頒獎典禮今日（16日）於文化中心舉行，典禮舉行前，一眾獲得提名角逐獎項的演員及幕後電影工作者，進入會場前於紅地氈上亮相。榮獲提名「最佳新演員」獎的MIRROR成員呂爵安在紅地氈上以一身黑西裝及飄逸白領巾亮相，並接受訪問。

Edan呂爵安受訪時表示：「冇準備貓紙喎！喺腦裡面，冇專登準備。」見到有自己應援的遊艇亦感謝粉絲通宵到場排隊支持自己，又關心表示：「天氣有啲熱，要飲多啲水！」問到典禮上得獎的信心，呂爵安表示：「提名已經係好滿意嘅成績，入行冇諗過會拍電影。」而他亦表示自己未必會感動到喊，會開心、感到驚喜！

金像獎2023︱特刊印錯人名　劉青雲變Edan Lui阿Jer姓氏多個「i」

對於昨日被發現金像獎紀念特刊上，劉青雲的英文姓名誤變作Edan Lui，呂爵安笑指：「諗唔到會用呢個名上位，希望有朝一日中文名都變埋我！」看來對「最佳男主角」獎有野心。