送院途中｜古天樂透露與《明日戰記》女兒再合作：佢勁過我

卓韻芝執導、古天樂主演的《送院途中》，獲《第四十七屆香港國際電影節》選為閉幕電，並於今日（9日）舉行首映禮，古仔與游學修、袁澧林及伍詠詩等演員皆有現身。

戲中古仔再度飾演父親，而扮演其女兒的正是參演《明日戰紀》的童星蘇悅弦，「父女倆」再續前緣，古仔表示純粹因為「夾囉」：「係咪瘦咗好多呢？完全冇人認得佢，同佢拍戲好好笑，佢問我點解成日唔講嘢，我話我唔係好多嘢講，同佢合作都有啲緣份，千祈唔好話佢冇咩做，佢勁過我，好自然咁就喊岀嚟」。

今次古仔首度挑戰救護員角色，他表示感觸良多：「醫護電影比較少拍，女好趕時間去救一個人，但自己未必有充足時間去照顧屋企，最感動地方係要面對屋企人離開，反映到醫護人員嘅艱辛，壓力好大，工作同家庭」。古仔亦指出每日開工都有真實救護員教路：「最後一個case係真人真事，學到好多，比上急救班學到更多，救護員好偉大」。