香港國際電影節｜甘比現身閉幕首映 透露疫情期間捐1500萬撐港片
撰文：陳穎思
出版：更新：
《第四十七屆香港國際電影節》今日（9日）閉幕，卓韻芝執導、古天樂主演的《送院途中》獲選為閉幕電影，二人聯同游學修、袁澧林及伍詠詩等演員現身首映禮，另外古仔好友、劉鑾雄太太「甘比」陳凱韻亦有出席。
甘比接受媒體訪問時表示，她以劉鑾雄慈善基金的名義，於疫情期間資助了五部港產片製作，合共捐出1500萬元：「之前支持過《鮮浪潮》，今次並非第一次，1500萬資助五部戲，主要原因是因為新冠肺炎疫情，百業蕭條，好多人都冇工開，想幫助好多唔同階層嘅人，都知道電影行業好多都冇工開，想幫助電影界，我以前都做電影記者。」
甘比透露古天樂給她看過很多電影本，她形容「嗰啲戲都好好，好有意思，唔係普通商業電影」，現在疫情已過，資助過的電影陸續上映，《送院途中》亦是其中一部。問她會否讓仔女容串演出，她耍手擰頭說小朋友「唔識演」，對於未來會否在影圈大展拳腳，她就話：「冇能力，唔識」。