里安納度不忿被指只愛25歲以下美女 望發展穩定關係

撰文:陳穎思
出版:更新:
荷里活巨星里安納度狄卡比奧(Leonardo DiCaprio)花花公子形象深入民心,而且特別鍾情於25歲或以下的美女,身邊女伴年紀一到就被他叮走,最近他被指戀上19歲以色列模特兒,女友年齡無下限。

不過,英國《每日郵報》(Daily Mail)聲稱訪問了里安納度身邊人,透露他對於被指只愛25歲以下美女感到困擾,仲話其實他一直在追求真愛:「里安納度而家肯定係單身,佢唔鍾意俾人炒作只物色年輕女伴,佢希望揾到更成熟嘅感情關係」。
知情人士指里安納度去到邊都被指搭上年輕美女而感到煩厭,希望可以永遠撇清這個形象,他跟舊愛Camila Morrone拍足5年拖,證明對待感情很認真。