「田雞」田啟文受訪直指星爺一定會復出：佢嗰團火仲喺度

「田雞」田啟文曾為周星馳打工多年，稱得上是其中一位最了解星爺的人，近日他接受資深電影人文雋訪問，大談跟星爺相處的點滴，期間言之鑿鑿地說星爺未來一定會復出拍戲：「佢嗰團火仲喺度」。

田雞表示，未來星爺一定會復出演戲，但大家還要等多幾年，預計他會在65歲之後再有幕前演出：「我認識嘅佢熱愛演戲，但要脫離以前任何一個角色，不要有任何以前嘅影子，佢嗰團火仲喺度，大家唔好再諗返以前嘅周星馳係點」，換句話說，星爺就算復出應該都不會演無厘頭喜劇，但只要能看到他演戲，什麼戲種又有什麼關係？

其實星爺過去亦曾說過類似的話，當年宣傳《美人魚》時，媒體問他幾時復出演戲，他說：「算罷吧！都幾十歲，一把年紀啦」，但隨後又改口：「我目前先專注做好導演嘅工作，做導演比演員演得更多，因為大小角色都會由導演來演一次給演員看，不過，做演員呢團火，從來都冇熄過」。