【金像獎】周冬雨失落影后慶功未盡興　曾國祥遺憾未與父親齊獲獎

今屆金像獎影后由惠英紅憑《幸運是我》第三次奪得，但賽前呼聲甚高的周冬雨，最後無緣金像獎，或者對25歲的她有點打擊，事後她低調地出席《七月與安生》慶功宴，不接受拍照及作任何訪問，公關表示周冬雨因為已換回便服，加上已「落妝」所以就不拍照、不訪問，對於一個要出席慶功宴的藝人來說，極速御裝是罕見的，而現場所見周冬雨帶了一頂Cap帽，及全黑打扮，全晚就坐在竇靖童身邊，不過見她同賓客有講有笑似乎心情亦慢慢平復。

其實無獎失落人之常情，連《七月與安生》導演曾國祥都表示好想同爸爸曾志偉一齊攞獎，他說：「其實最大遺憾冇得同老豆同一屆攞獎啦，係呢樣啦，自己攞唔到冇咩所謂，有提名已經係非常好嘅鼓勵，一個好好嘅開始，我知老豆攞獎嗰刻我就好恨攞獎喇，好想同佢同屆攞，唔緊要啦，之後一定仲有機會，（周冬雨攞唔到影后，你有咩睇法？）我當然想佢哋攞啦，但惠英紅係一個非常好嘅演員，佢真係做得好，我覺得呢啲嘢有時唔駛睇得太重，老土啲講句，係你就係你㗎啦。」失獎而不失霸氣，周冬雨要向曾國祥學習一下。