《飯戲攻心》林明禎誤用USB係機心女？　導演陳詠燊親自解畫

電影《飯戲攻心》愈映愈有，戲中金句同情節更成為觀眾熱議話題。而繼鄧麗欣（Stephy）與林明禎困難二選一後，又有網民提出，壓軸一場大混戰，源於林明禎誤用一隻舊USB播片而起，看似無心之失，但有網民就列出兩大理由，覺得冇可能唔知道。

注意︰內含劇透

電影《飯戲攻心》講到黃子華與鄧麗欣是一對前度，基於二佬張繼聰已成為鄧的現任，更同住一屋，令二人處境相當尷尬。而劇情就一直在提及Stephy要子華快快找回一隻USB手指銷毀，因內藏二人不可告人的秘密。結果搵極都搵唔到，偏偏就被明禎一個唔該拎嚟用，仲無意中在大廳播出二人情到濃時，自家製的「愛情動作片」。

影片播出後，場面尷尬之餘更掀起一家6口的大混戰，令全屋反轉。明禎原先播片的原因是要為三兄弟的僵局降溫，殊不知反變升溫，絕對好心做壞事。不過就有網民質疑明禎此舉是別有用心，是想拆散子華與鄧麗欣，贏番大佬返嚟。

有此推論，主要是要儲存資料入USB手指，總會望望裝置內有沒有足夠空間，及內裡有甚麼資料，這時候應該已看到影片所在。又因為影片是連續播放才出現這次大混戰，即是兩片是存放在同一檔案夾，如果只想準確播放一條影片，冇理由隨意跟其他影片放在一起，故這個誤播值得商榷。就網民的質疑。

《香港01》向編劇及導演陳詠燊查問，他聽後感到好笑，亦欣賞網民的聯想力。「我覺得電影拍出來就已經係交畀觀眾，不同的推論都係對作品投入的表現，我都好開心，不過就笑指是「過份解讀」。陳詠燊︰「在我的角色設定入面，阿Meow（林明禎）不是一個機心女，反而是個思想直白，好想挽救這個家庭關係，好努力去做一些事，殊不知發生了意外。」情節並無如此安排，力證明禎絕對是無心之失。