明日戰記｜古天樂現身首映　回應內地宣傳流淚：係好感觸

吳炫輝執導，古天樂任總監製兼主演，劉青雲、劉嘉玲、張家輝及姜皓文（黑哥）等聯合演岀的《明日戰記》獲選為《第46屆香港國際電影節》開幕電影，並於今晚（15日）舉行首映禮，導演與古仔及黑哥齊齊現身。

日前古仔到內地宣傳時，被指疑似一時感觸流淚，他接受媒體訪問時回應：「戲入面本來有一段老婆死嘅情節，係好感觸，花咁多時間去拍，希望觀眾支持」，他否認並非因為內地票房未如理想而感觸。問到會否擔心票房，古仔就話：「等人哋睇過先知口碑，睇完先明。」在內地做直播宣傳時，古仔曾揚言所有睇過《明日戰記》的觀眾都是他的老婆，今日重談這件事，他笑言當時收看直播的網民都叫他做老公，他才會回應叫他們做老婆。席間有不少市民圍觀，有人大喊「古仔，加油」，首映禮結束後準備離場時，古仔停下腳步與市民合照，相當親民。