貧窮限制想像｜劉偉強重金打造私人放映室　規格仲勁過戲院

TVB節目《貧窮限制想像》今晚（12日）播出的內容，講來著名導演劉偉強做嘉賓，拜訪其佔地數千呎的豪華工作室。該址不但可以望到維港煙花景，內部設施亦十分齊全，包括媲美餐廳的廚房以及專業規格的私人影院，音響與畫質靚過不少戲院設備，劉導表示︰「冇人好似我咁傻，花好多錢整咁好音響同銀幕。好似賽車咁，車手都會花好多錢整好佢架賽車。」

工作室還有一樣秘密，就是擺滿不同年代的電視遊戲機，幾乎講得出的都有，PC Engine、任天堂、XBox、PlayStation到街機版街霸等應有盡有，導演話好多時拍戲的靈感同電影創作的畫面，都係來自遊戲機同漫畫。期間劉偉強亦提到拍攝《風雲》的秘聞，例如點樣由一舊泥膠，創造出「火麒麟」，仲有大爆他任職攝影師時，靠吊威吔做人肉直昇機的辛酸史。