夜校｜劉翁爆葛民輝係NG王：笑片無對白係好大挑戰
撰文：鄺鈺瑩
出版：更新：
由導演劉翁執導，黃永峯監製嘅電影《夜校》，除有MC張天賦、黃曦誼（Candy）、凌文龍、李靜儀、郭奕芯、方詠琳、吳肇軒之外，亦找來葛民輝、詹瑞文特別演出。戲中飾演情侶嘅MC與Candy呢日喺中環開工，情劇講述二人交往後，Candy特地帶MC去方泳琳開設嘅酒吧搵駐場占卜師(陳伊霖），想睇下MC是否一位好男人。
陳伊霖雖然首次做主演，但她表示並不緊張，導演劉翁解釋伊霖嘅角色因為係占卜師，只要有氣勢就可以。《夜校》起用大批影壇新人，劉翁表示由於角色頗為單一，所以並不會太吃力「我好似湊小朋友咁，每日都去兒童樂園開工，因為以前見過太多演員一被導演鬧就驚，愈鬧就愈硬，所以要玩住做。」問到邊位係NG王，劉翁就竟然話係經驗豐富嘅葛民輝：「佢個角色好難演，佢全程無對白，但呢套係笑片，所以對佢係好大挑戰。」MC之前公開「賦二化」的食物應援，同戲演員亦都受惠，陳伊霖同方詠琳都表示：「除咗拍嘅時間冇食，其他時間都係食。」所以增磅都是必然的。