《一樣的天空》與石修再演情侶 米雪：知道演花旦即刻應承

慶賀香港回歸25周年的電影《一樣的天空》，集四大電影公司銀都機構、英皇電影、寰亞電影及天下一電影合力攝製，今日（19/5）舉行發佈會，一眾演員包括王菀之、米雪、石修、袁富華、朱鑑然都有出席。

米雪在戲中飾演粵劇花旦，而修哥就是作曲人，二人演繹朋友以上，戀人未滿的關係。兩位在早前劇集《十月初五的月光》已經演一對夫妻，今次再演可謂默契十足。石修更笑言那次是最好的熱身。

米雪：「其實30年前已經合作，我同修哥本身都唔係成日見面，但一埋位默契就喺度，佢又好錫演員好錫朋友。佢份人又有商有量，呢幕想點演同佢講聲就得。」

雖然修哥只飾演作曲人，但戲中都有哼兩句，他更技癢即場又哼一次。石修：「套戲就是講傳承，會將中樂跟西樂混合一起。」連雪姐都大讚這個慨念好潮！

今次令米雪最開心是可以化粵劇妝演花旦：「我知道要化花旦妝即刻應承，好難在電影做到。」石修從旁也見證雪姐的投入：「佢好入心，化花旦妝要提早3、4個鐘到場都冇怨言，睇得出佢演得好投入。」