《#PTGF出租女友》Amber夥拍Santis　試玩NFT邀大量靚女試鏡宣傳

電影《#PTGF出租女友》女星Amber（葉俙賢），與前「熊仔頭」人氣女成員Santis（陳濬樺），近日應本地NFT交易平台Mocter.io 邀請首度合作，兩位靚女除了推出NFT產品外，更會參與稍後的宣傳片拍攝工作。

今次NFT項目，將包括下月與本地藝人、香港YouTuber及KOL靚女一齊推出相關產品，當中包括Santis、Amber、YouTuber薑檸樂和浩嵐等為落實合作對象。同時大會將製作宣傳片推廣，Santis和Amber會參與拍攝，由於片內需要多位靚女亮相，日前大會特別進行試鏡，由Santis擔任評判之一，挑選拍檔。

Amber透露自己的個人化NFT產品，希望會係唱歌或者推出性感相。至於早前被拍下跟MC行超市的Santis就笑稱可以去超市取景：「本身就冇諗過，但可能咁樣吸引到超市搵我做代言人仲好添。」Amber更加天馬行空：「或者我哋成個NFT項目都可以試下同超市crossover，或者薯片袋變做衫，有少少創意去影下啲相。」