祝文君逝世｜周星馳睇中兩台大戰　邀客串主持《城市睇真D》

藝人祝文君因肺癌離世，終年55歲。祝文君最令人印象深刻的幕前演出是做主播工作，尤其在90年代兩台資訊娛樂節目戰，《今日睇真D》大戰《城市追擊》期間，她更是TVB台柱之一。而當年周星馳籌拍《食神》時，亦睇中這個熱潮，除邀請她演出，更將節目合併為《城市睇真D》。

亞洲電視於1994年3月21日首播《今日睇真D》，是香港電視史上首個資訊娛樂節目，當年由余詠珊監製，亦是她在位期間的得意之作。每集長1小時的節目，以採訪時事及娛樂資訊主，比傳統新聞報道富趣味及煽情，為亞視帶來不俗收視，觸發TVB的警號，於同年10月立即推出同類型節目《城市追擊》，繼而展開收視大戰。

隨後的「解剖外星人」及追擊「祥哥爭產」事件上，兩台的競爭愈演愈烈，成為一股熱話。而周星馳在拍攝電影《食神》（1996）時，亦起用這橋段，借節目報道城中熱話「瀨尿牛丸」，推高店舖人氣。

同時間，星爺亦有留意到《今日睇真Ｄ》的主持，同樣在《食神》，便找來歐錦棠演出「食神大賽」的主持，一句︰「佢高傲　但係宅心仁厚　佢低調　但受萬人景仰」成為電影金句。隨後更在《大內密探零零發》演出古裝版。