蜘蛛俠｜蜘蛛仔好友Ned肥到行唔掂樓梯　一星期喪操6日減百磅

近日上映的Marvel超級英雄電影《蜘蛛俠：不戰無歸》（Spider-Man: No Way Home）精彩場面多不勝數，連蜘蛛仔好友Ned今集都非常搶鏡！相信大家都記得，扮演過個角色的Jacob Batalon本來是肥仔一名，但去年突然暴瘦幾乎認唔出，他近日受訪時分享了減肥的心路歷程。

Jacob Batalon透露由2019年尾開始便的起心肝減肥，至今已減去超過100磅，相當驚人。令他立下決心的原因，不外乎是跟健康有關：「就算冇乜體力勞動，開工時仍然覺得好眼瞓，因為我食太多高脂肪食物」。身體負荷過重，Jacob Batalon平時連行樓梯都覺得吃力，有一日他脫下衣服照鏡時開始質問自己：「我唔相信自己搞成咁，所以就開始（減肥）了。」

找來私人教練協助，Jacob Batalon一星期做足6日Gym，每次90分鐘，當中包括1小時負重運動及半小時帶氧運動。飲食方面，在女友鼓勵下，Jacob Batalon開始以素食為主，短時間內已感受到明顯的身體變化，去年10月他在IG上載自拍照，大批網民表示被他瘦到嚇親。