假冒女團｜Anson Lo處男作神徒包場撐 2千門票7分鐘售罄跪求加場
撰文：鄺鈺瑩
出版：更新：
Mirror 成員Anson Lo（盧瀚霆）首次拍攝電影《假冒女團》，作品將在本月25日上映。神徒為了支持教主，早在個多月前已準備包場事宜，後援會準備嘅16場優先場今早開放予會員購買，結果2千張門票在7分鐘內售罄，反應十分熱烈。唔少神徒由於買唔到優先場門票，紛紛跪求加場，而後援會負責人Annie表示會與戲院商討加場。
Anson Lo今午錄影《Chill Club》時獲悉門票火速售罄後，似乎唔多相信自己叫座力咁強勁，他接受《香港01》訪問時表示:「好多謝每一位神徒同fans，知道大家都好期待我嘅第一套電影，好想入場支持我。我喺演戲方面都仲係好新，好驚大家都抱好大期望入去睇，所以都好緊張，自己會有好多唔應該嘅想法彈出嚟。不過其實大家肯入場對我嚟講已經最大支持。」今日錄影時，Jer亦都在場，問到會否入場支持，Jer就話：「佢邀請我入去睇就會，通常呢啲都係邀請㗎嘛。」
+10