《喜歡得妳是妳》楊偲泳談善言拍濕吻戲搞到病　去醫院打針再開工

《香港亞洲電影節》現正進行中，由楊偲泳（Renci）首先擔正做女主角，夥拍談善言主演的同性新作《喜歡妳是妳》，改編自導演楊潮凱、吳詠珊好友真實故事。

提及電影場次公開發售數分鐘已經售罄，Renci跟阿談均表示好開心，笑言以為導演講大話呃自己，阿談：「因為當時講到連個system都down咗，直到睇到佢哋cap圖先知，原來係真同埋好驚訝。自己啲朋友都有叫我哋留飛，但其實我哋都冇乜飛。」

電影海報濕身激吻一幕看上去極唯美，其實背後拍攝十分辛苦天。更有代價，Renci先回應：「當時密集式進行拍攝，又唔夠瞓，我哋懷疑水車的水喉唔太乾淨，事後我同阿談都急性腸胃炎。」阿談補充：「因為要租學校進行拍攝，時間好緊拙，都係一個鐘內去醫院打完支針返嚟繼續拍，其實真係妹辛苦。」

萬聖節阿談扮《魷魚遊戲》女主角姜曉，被人大讚勁神似，她笑言：「點解會咁做係因為網民話我好似，又剛好係萬聖節，經理人就問我要唔要玩下，就決定試玩，真係冇諗到迴響咁大，都好開心，好彩大家喜歡。」