《功夫》周星馳一場戲拍40個take　連累袁和平呆等兩粒鐘

香港著名電影動作指導及導演「八爺」袁和平今日（28/10）在香港浸會大學舉行座談會，席間講到一件當年拍攝《功夫》時跟「星爺」周星馳的趣事。

戲中一幕，「哨牙珍」在城寨的房中塗唇膏但不慎塗歪了，原本是場很簡單的戲碼，可惜一直拍不到合星爺的心水鏡頭，更一連拍了40多個take，從下午4點拍到晚上8點。但原來八爺原定於當日晚上6點起開始進行拍攝，即使天亦開始灰暗冇光，甚至下雨八爺亦沒有擔遮，仍然在原地默默等待。

因為「哨牙珍」的拍攝在城寨樓上的房間，當時八爺就在城寨廣場等候，而八爺等都等得特別有架勢。他一人排在頭位，而一眾演員們就站在八爺身後，形成一個三角形陣勢，當時八爺抬頭向上望，就似在問星爺「你想點呢？」採用特別的肢體語言跟他溝通。
當星爺望到八爺在等待時，他問：「咦，八爺喺到做咩呢？」原來是星爺拍「哨牙珍」拍得太忘我，忘記了。八爺自言自己沒有回應，反手指一指個天示意：「個天都黑啦，拍唔到，收工啦。」

問到八爺為甚麼當時不找人直接跟星爺講天黑要收工，八爺笑言：「我就睇下周星馳想玩咩玩咁耐，結果係點，都係要收工啦，個場冇燈打，又冇天嘅自然光，拍唔到自然要收工。」