#PTGF出租女友｜鄧月平指套戲有遺憾　原來係同趙善恆拍嘅感情戲

話題性電影《#PTGF出租女友》今晚（21/9）舉行首映，男女主角ToNick成員趙善恆（恆仔）、鄧月平接受《香港01》訪問時雖表示佢未睇戲，但就已經聽到不少好評，深感期待。

鄧月平講到一個女仔在戲中有大膽演出的確好唔容易，其實現場有好多男士，所以希望觀眾見到她們的努力。（陳順禎　攝）

恆仔率先表示：「其實都聽到唔少朋友講返，睇完戲覺得同佢哋心目中好唔同，諗返起當時準備期間都同導演、平平傾咗好耐究竟想套戲講。」

趙善恆表示無論大家俾戲名還是好多女演員吸引入場都好，希望觀眾都會留意劇情，同埋大家都好畀心機去演。（陳順禎　攝）

而問到兩人在戲中哪場戲有火花時，鄧月平回應：「我哋對手戲有好多，都好開心，不過遺憾係覺得感情戲可以再長久同多啲，入面經歷咗好多，又有唔同造型，係大家估唔到嘅一套戲。」

鄧月平及恆仔都覺得兩人在戲中首次碰面好有火花。（陳順禎　攝）

最後要兩人揀選最有火花的場口時，鄧月平即時揀了兩人在餐廳首次相遇的戲份，她：「本身場戲好平淡，但我哋傾完之後加咗好多元素落去。（恆仔：嗰時真係覺得大家都係有諗法，真係度到啲嘢出嚟㗎喎！」

恆仔大讚娜美首次演戲做得好，叫鄧月平畀心機唔好輸。（陳順禎　攝）