ERROR為電影配音笑稱懶音係特色　Dee道歉︰專業表演者有責任戒

「宇宙天團」ERROR最近為動畫電影《鱷魚君最後的100天》配音，日前出席首映時，被問到會否擔心有懶音問題，梁業（肥仔）笑言很支持懶音：「我哋嘅懶音係代表每個人嘅特色，如果突然冇咗懶音，Fans或者我哋三個都覺得好唔暢順。」但回應立即引起迴響，指有失演員的專業。

其實當晚何啟華（阿Dee）都有指語言會有變化和成長，懶音代表一個年代感，亦代表一個地方嘅口音。「廣州人講廣東話、香港人講廣東話，澳門人講廣東話都係唔同腔調。你搵七師傅配音都唔會捉佢唔字正腔圓，係性格配音員。」郭嘉駿（193）則補充說適當的懶音可以，不能全部都懶。

訪問出街後隨即引來網民熱烈討論，有人認為如果要捍衛香港文化就不應該支持懶音，亦有粉絲為他們護航說：「聽得明就得」。事件發酵一天後，阿Dee今日（27日）在IG限時動態道歉寫着：「更正返：口音係口音，懶音係懶音，文化係文化，PR係PR。做個專業表演者，係有責任戒懶音，我們一直在努力中（完）。Sorry！」算是為事件降溫。

同場加映

ERROR首映即席畫「米米」四格　肥仔不擔心配音有懶音：當係特色