《掃毒3》開鏡續集被控侵權　林小明︰大家都覺得笑話嚟

由寰宇娛樂出品，邱禮濤執導，劉青雲、古天樂、郭富城主演的《掃毒3天大地大》，移師香港開工後今日（13/8）正式舉行開鏡儀式。日前有內地導演控告《掃毒2》抄襲，並要求索償1億元人民幣，問到寰宇老闆林小明心情有否受影響？「當然冇，大家都覺得笑話嚟！」

《掃毒3》由原定在雲南取景，並已搭好所需場景，但由於疫情關係劇組要徹離並返港重新搭景關拍，老闆林小明透露，此舉都損失8位數。不過都無損林小明投資的信心，並在港選址50萬呎再搭景。「可以講是三部之中最貴的，景和人都貴咗，但這個陣容對觀眾好有吸引力。」

問到被內地導演控告《掃毒2》侵權，有否影響心情，林小明直指完全冇受影響。「我們完全是原創，我都不明點解有這訴訟，沒有擔心過，因為我們真的是原創，真金不怕紅爐火。」至於對方羅列兩片類近之處，包括都是兄弟反目情節，林小明表示未睇過：「我無辦法證明有幾似，但我起碼證明自己是原創。」此官司又有冇影響演員心情？「當然冇，大定都覺得笑話嚟！」

更多開鏡現場照片