【飯戲攻心】林明禎聽唔明廣東話：覺得自己係外星人，好難融入

賀歲片《飯戲攻心》今日（21日）舉行記者會，一眾主演包括黃子華、鄧麗欣、張繼聰、林明禎、王菀之及陳湛文，聯同導演陳詠燊大玩「撈起」提早為電影造勢。

「大馬女神」林明禎以露腰造型現身，相當吸睛，戲中的她飾演KOL，透露跟子華與張繼聰等前輩合作而倍感壓力，另外由於不精通廣東話，拍每一場戲都覺得好困難：「他們説的廣東話都好地道，覺得自己係外星人，好難融入」，幸好工作人員都有耐心地跟她解釋。受疫情影響，林明禎表示已足足一年沒返屋企，現在很想家。6月1日生日她撞正第一日為《飯戲攻心》開工，劇組為她準備了驚喜慶祝。

【飯戲攻心】黃子華戲中再爆金句　靠老闆贖返層樓？

而Stephy就形容戲中角色為一個「女神經」，個性「跳掣」不昤發癲，周旋於黃子華與張繼聰之間：「似文藝片，有感情上瓜葛，講得好深入，當然會有搞笑場面。」而王菀之就飾演一名廚藝了得的人物，戲中出現的菜色都由她操刀：「煮飯都由我負責，每一次好畀心機煮都冇人食，自己食晒，所以飯氣攻心」。戲中她跟陳湛文演情侶，被問到跟合作多次的張繼聰不再做一Pair，她笑言好開心。