破地獄︱韋羅莎為金像紅氈減肥 阿杰談鄭中基近況：返嚟瘦咗好多
香港史上最賣座電影《破．地獄》早前宣布推出加長版，鐵定於4月4日清明節上映，新版本將會加入原上映版被刪剪的劇情角色，岑珈其與谷德昭飾演的角色將首度曝光！《破．地獄》女主演團隊今日（20日）出席惜食堂義工活動，衛詩雅、周家怡、韋羅莎、劉若寶及「阿杰」周芷慧代表劇組出席，與惜食堂一眾服務對象親身接觸、並參與派飯派米等義工服務。
韋羅莎、劉若寶與「阿杰」周芷慧於活動上接受傳媒訪問時，憑《破．地獄》提名金像獎「最佳女配角」的韋羅莎笑言正在尋找紅地氈戰衣：「減緊肥、我仲減緊肥嘅！（上次減得很成功！）又恢復返少少，所以依家要繼續努力，只係吸空氣唔食嘢！」韋羅莎表示未知行紅地氈的具體安排，笑言女兒未有興趣一同出席，或許留待下一次再一同於紅地氈亮相。
新一季《全民造星》現正籌備中，「阿杰」周芷慧分享指同為機動兵工廠的Wade陸維德打算參加，並努力練歌練舞：「我同佢講都冇嘢輸啦，咪去試下囉。我問佢唱歌跳舞得唔得，佢話Ok啦，我話唔緊要啦你靠樣、靠高度啦，應該Ok喇！」劉若寶表示身邊有男模特兒參加，亦贊同阿杰的說法：「心臟要好強大，要頂得住導師、其他隊員畀你嘅意見，自己做定心理準備。」韋羅莎作為上屆導師之一，亦大方送貼士予一眾新一屆參加者：「你哋都講到心臟要好強大，要準備好、夠開放接受意見，唔好死守自己相信的一套、因為未必係最好，入得嚟就要其他人睇你、提點你，接納意見批評提點，最緊要享受過程！」
早前鄭中基返港公開亮相，阿杰作為旗下機動電視台重要一員，亦回應「大佬」鄭中基戒酒返港後的近況：「佢戒酒返嚟之後瘦咗好多，有繼續食返嘢，健康、情緒好咗好多！佢都會久唔久返公司，同我哋傾下公司拍攝嘅影片內容等等。」至於鄭中基與太太余思敏婚變傳聞，阿杰亦表示有作關心：「因為我哋都唔係好知道發生咩事，佢返嚟就關心佢狀況如何，佢私事好少同我哋講，自己處理好心情再返嚟，好少喺我哋面前有負面情緒。同埋佢近排作緊歌，期待緊佢嘅新作品。」