袁澧林被古天樂教訓　講嘢問非所答：人哋問許光漢有冇「車」你

古天樂（古仔）和電影節大使袁澧林今日（17/3）現身灣仔會展出席《第四十九屆香港國際電影節》記者會，提到早前為電影《九龍城寨之圍城》搭謝日本觀眾，親身到當地謝票，吸引大批粉絲到場朝聖。

古天樂和袁澧林出席香港電影節。（葉志明攝）

古仔接受《香港01》訪問時表示：「嗰晚我哋包咗間房食飯，而班粉絲佢哋原來都包晒隔離啲房，當我行出間房嘅時候，佢哋就會隊埋要我簽名，我係簽完又簽，就好似開簽名會咁。（咪同佢咪講好多日文？）成個過程，佢係隊咗塊嘢埋嚟，我係冇時間騷我嘅日文。不過我有同佢哋講廣東話叫唔好隊塊嘢埋嚟，仲有叫佢睇住支筆。」

袁澧林被問到有份主演的電影《他年．她日》與許光漢有否親熱戲？袁澧林靦腆說：「呢個⋯而家出咗個前度預告，希望大家感受呢部電影關於啲咩啦，咁遲啲希望可以同大家見面啦。」古仔接著說：「你問非所答，人哋問你許光漢有冇『車』你呀。」袁澧林尷尬回應：「不如你指導吓我點樣答。」古仔笑說：「我想知佢點樣『車』你，係咪第一場就睇佢點揸車去車你。」袁澧林說：「我會練得更幽默去回答大家。」惹來全場一片笑聲。