【謝霆鋒定張繼聰】網絡小說《西營盤》拍電影版　網民票選男主角

「知唔知點解西營盤站會延遲開通？知唔知…自從知道晒所有秘密之後，我就再唔敢搭港島綫。」網絡小說《西營盤》本年初在互聯網瘋傳，後來印成實體書出售，作者「有心無默」昨日傳來新喜訊──「各位，《西營盤》電影化了」。

消息昨日在「有心無默」的Facebook個人專頁發貼文公布，網民留言除了講恭喜外，有忠心粉絲讀者仲話自己跨張到感動流淚，大家都萬分期待電影版來臨。

另外「有心無默」還透露，《西營盤》現階段正在挑選男主角阿弘的適合人選，於貼文列出張繼聰、Babyjohn（蔡翰億）、謝霆鋒、周柏豪等藝人，讓網民票選，有留言提出其他人選例如陸永，但大家都覺得他喜劇感太重，最後留言話，「已經記錄緊你哋提議，可以諗定下次女主角投票」。