《糖街製片廠》反傳統賀歲上驚慄喜劇　銅鑼灣建鬼屋觀眾親身體驗

賀歲鬼片《糖街製片廠》由劉翁執導，葛民輝、鄒凱光、黃溢濠、楊柳青、岑珈其、陳漢娜、蘇皓兒、邵音音等人主演，賀歲上鬼片簡直就是反傳統，戲中講到一眾演員被安排參演《鬼屋大逃殺》的恐怖片，但就揭開了一個陳年都市傳說的怪談秘密！

近日有經過銅鑼灣糖街的讀者或有機會睇到Cinema City旁邊似乎多了個十分特別的地方，更有讀者硬闖上樓，直衝「片場重地」！

其實有上過電梯的話，就會發現到除了有餐廳外，更會有個類似市集的地方，而再行入去就會發現有間糖街戲院、鬼屋、市集等等，該地會作為拍戲的場景外，更會在疫情緩和後對外開放，讓觀眾除了睇戲外，更可享有第一身的鬼屋體驗，亦可在市集中買到心水物品！

導演劉翁接受《香港01》訪問時提及：「今次拍攝非常濃縮地只用了約10日來進行拍攝，過程雖然好緊湊，但有工開大家都一樣開心。」劉翁同樣有講到《糖街製片廠》的故事主要圍繞在戲中戲《鬼屋大逃殺》的鬼屋中，拍攝前期首先就要搭好個間鬼屋廠景！

點擊睇更多場景相：