基斯咸士禾夫為《雷神4》谷爆麒麟臂 星爵唔抵得：你要肥返25磅
撰文：陳穎思
出版：更新：
《雷神奇俠》（Thor）電影系列第四集《Thor: Love and Thunder》將於明年1月在澳洲開拍，男主角基斯咸士禾夫（Chris Hemsworth）最近積極健身操肌，日前他在Instagram上載一張爆肌照，見他赤裸上身，一雙「麒麟臂」幾乎谷爆，操肌成績相當厲害！
基斯留言話：「今日係放縱日，諗住畀自己食個加大冬甩，天呀好重」，但他其實並非在嘆甜品，而是在做重訓，出盡力推一個狀似冬甩的物體。這張爆肌照除了吸引大批粉絲畀Like及留言，連有份參演《雷神4》的「星爵」基斯派特（Chris Pratt）亦有回應。
他寫道：「喂老友，剛剛教練同我講，佢要你停止操練，因為我同你拍埋同一部戲，如果你係咁樣，佢唔想我企你隔離，所以我要求你盡快增肥25磅，唔該」，之場基斯回應叫對方不用擔心，因為可以用同一個濾鏡PS自己。仲記得雷神同星爵於《復仇者聯盟4：終局之戰》（Avengers: Endgame）經常鬥嘴，就算戲外都不放過對方。
更多雷神曬肌照
+10