【手捲煙】林家棟零片酬撐新導演：好多人打電話嚟有啲壓力

《香港亞洲電影節》今日（3/11）正式揭幕，作為開幕電影的《手捲煙》亦舉行首映，一眾演員林家棟、太保、白只等，以及導演陳健朗均有出席。

林家棟接受《香港01》訪問，問及今次為何願意以零片酬支持拍攝，原來家棟一直收到很多電話游說他：「電影發展局同創意香港都有致電我，咁有壓力喎。然後劉國昌監製都搵我，話套戲已經搞掂晒，唯獨爭演員，問我有冇興趣？我睇完劇本，覺得一個新導演，能夠獲得撥款，我作為業界一份子冇理由唔支持，咁不如唔好講錢，再算啦！」

電影拍攝時，正值新冠肺炎爆發期，家棟就經歷了一次非一般的拍攝經歷。「其實有壓力，當然劇組在防疫工作上堅持去做，但旁邊總有些聲音，自己唯有沉著應戰。是有矛盾，自己只好相信劇組的措施，我經常跟自己說：『死就死，唔死就企』積極面對。」