好好拍電影｜導演爆許鞍華都有貪靚時　阿Ann：換咗個頭就靚

由金像獎美術指導文念中首次執導的紀錄片《好好拍電影》，昨晚（23/10）舉行首映。電影拍下大導演許鞍華（阿Ann）鮮為人知的一面。縱使二人相識多年，但文念中也坦言經歷3年的拍攝後，對阿Ann仍有新發現。

問到電影當初開拍原因，導演文念中指香港電影太少關於一位導演的紀錄片，自己跟阿Ann由《男人四十》已經開始合作，希望由自己為對方做一個紀錄。於是在2016年合作《明月幾時有》，便開始歷時3年的拍攝工作。

阿Ann事前已看了電影初剪版，問到首次在銀幕上不停見到自己，有甚麼感受。「好好笑囉，我唔知點解啲人覺得我好好笑。」至於經歷3年的拍攝後，導演對阿Ann又有冇新發現？「佢其實都有少女心的，會跟大家分享點樣可以令自己靚啲。」但當記者追問變靚啲方法時，阿Ann就笑言：「換咗個頭啦！」