《花樣年華》戲份唔見樣　孫佳君公開背後原因：唔係我做得唔好

由著名導演王家衛執導的電影《花樣年華》在今個月底將迎接上映20周年紀念，不過當年有份參演的孫佳君與張耀揚，最終在上映版本的正面鏡頭完全沒有出現過。

孫佳君日前（23/9）出席宣傳活動時，公開箇中原因：「如果上映時冇被刪剪咁梗係好啦！其實當時導演都有同我講，絕對唔係因為我做得唔好，而係因為故事太長。」

她憶述，當時為了拍這套電影，前後花了幾個月時間。「唔會話好辛苦，而家諗返都覺得當時機會真係好難得。導演都有同我講，會將我演出嘅戲份，放喺DVD影片中重現。（片酬收唔收足？）咁梗係有啦！如果佢再搵我拍，我一定拍，不過好可惜，多年後都冇機會撞到佢。」