【花木蘭】無懼肺炎舉行美國首映　同場女星比劉亦菲更似花木蘭？

迪士尼電影《花木蘭》（Mulan）早前宣佈因受新冠肺炎疫情影響，在中國、香港、日本及韓國等地延期上映，但北美映期就未有改動，昨日（9日）更於荷里活舉行首映禮。

獨挑大樑的劉亦菲，以品牌Elie Saab的金色禮服示人，高貴浮誇盡顯公主霸氣，裙擺上有鳳凰刺繡，相當精緻。不過同場有位女星就被指比劉亦菲更似花木蘭。年前迪士尼宣布開拍真人版《花木蘭》電影時，已有不少網民都話應該搵在《變種特攻》（X-Man）系列中，飾演過「Jubilee」的美籍越南裔女星Lana Condor主演，因為她與動畫版的花木蘭幾乎一樣樣。而昨晚Lana Condor亦有現身首映禮，有網民再次提起她才是最似花木蘭的演員。

點擊下圖睇睇邊個比劉亦菲更似花木蘭

飾演皇帝的李連杰與扮演元帥的甄子丹，分別帶同家人踏上首映禮紅地氈，前者與兩位千金Jane與Jetta一同現身，但未見太太利智；而丹爺就一家四口盛裝出席，女兒Jasmine身穿禮服配波鞋，相當另類。演大反派的鞏俐就缺席首映禮。