【金像獎2019】特刊封面曝光　周潤發、蔡卓妍獲最佳排位

每年金像獎都會推出紀念特刊，而今年嘅特刊封面照由香港知名攝影師Paul Tsang by U N Workshop操刀。並分別以入圍候選最佳男女主角作為封面。男子組嘅吳鎮宇、黃秋生、周潤發、郭富城同姜皓文嘅服飾均以白色為主，簡約又有型。

而女子組嘅余香凝，一襲超低V晚裝上陣，再配上All Back髮型，性感又不失帥氣，而憑《非分熟女》入圍女主角嘅蔡卓妍，以啡色露肩裝上陣，予人成熟穩重嘅感覺，至於《三夫》嘅曾美慧孜、《淪落人》Crisel Consunji以及《無雙》張靜初就甚有默契地以白色長裙上陣。
 

紀念特刊將於4月11日於已選定之書店及全港報攤發售，全書共136頁售價HK$98元正。